Советот за унапредување и надзор над сметководствената професија на Република Северна Македонија, на својата 13-та седница одржана на 25.11.2025 година, усвои предлог Процедури за комуникација, размена на податоци и соработка со Институтот на сметководители и овластени сметководители на Република Северна Македонија. Во предлог Процедурите е уредено:
- Целта и правниот основ на Процедурите
- Воспоставуваат јасни правила за остварување на законските надлежности на Советот и на Институтот;
- Уредуваат меѓусебна комуникација, координација, размена на податоци и документи;
- Постапки за разрешување судири на надлежности и постапки за изземање членови при потенцијални судири на интереси; и
- Уредуваат форми на соработка, следење на работењето на Институтот и на контролата на квалитетот.
- Акти на Институтот подложни на согласност на Советот
- Општи акти кои создаваат права и обврски за членовите на Институтот (Статут на Институтот, годишни извештаи за работењето, годични сметки и т.н.);
- Акти за едукација (програми и правилници за испити и континуирано професионално усовршување);
- Акти за издавање уверенија и лиценци од Институтот;
- Акти поврзани со регистрите што ги води Институтот;
- Акти за контрола на квалитетот; и
- Акти за дисциплинска одговорност и интегритет (правилници за судир на интереси, политика за интегритет, постапки по укажувања од Советот).
- Постапка за давање согласност на актите на Институтот
- Актите се доставуваат од Институтот до Советот за мислење и согласност;
- Советот се изјаснува, дава мислење и конечна согласност или бара дополнувања; и
- Постојат рокови за изјаснување (45 дена за конечна одлука, 5 дена за известување).
- Следење на примената на актите
- Советот ја следи примената врз основа на сопствена иницијатива или претставки;
- Може да достави укажување за изменување и дополнување на актите;
- Процедури по поднесени претставки, вклучувајќи и повреда на индивидуални права.
- Следење на работењето на Институтот
- Претставници на Советот учествуваат во:
- Надзорниот одбор;
- Комисијата за испити; и
- Комисијата за контрола на квалитетот; и
- Претставниците на Советот се избираат од Собранието на Институтот по предлог на Советот.
- Форми на соработка и координација
- Заеднички посети на подружници;
- Заеднички седници за решавање дилеми; и
- Учество во контролите на квалитетот.
- Разрешување судири на надлежности и изземање членови
- Советот решава судири на надлежности помеѓу органите на Институтот;
- Советот постапува по барања за изземање членови при потенцијален судир на интереси.
- Размена на податоци и документи
- Се врши писмено или преку официјални електронски канали;
- Рок за доставување податоци: до 15 дена;
- Доверливост и заштита на лични податоци.
- Превод на Меѓународни стандарди за финансиско известување и Меѓународен стандард за финансиско известување за мали и средни субјекти
- Институтот врши преводот, но конечниот текст подлежи на согласност на Советот; и
- Преведените стандарди по добиена согласност од Советот се доставуваат до Министерството за финансии на Република Северна Македонија.
- Преодни и завршни одредби
- Процедурите можат да се изменат по иницијатива на Советот или Институтот;
- Судирите при примената на Процедурите ги разрешува Советот; и
- Влегуваат во сила со усвојување и потпишување од двете страни.
Предлог Процедурите се доставени од Советот до Институтот на разгледување.
Претседател на Советот
м-р Дарко Дачевски