Мисијата на Советот е активно да го унапредува и надгледува интегритетот, квалитетот и кредибилитетот на сметководствената професија во Република Северна Македонија. Клучни цели на мисијата се:
Мисија и визија
Заштита на интегритетот
Обезбедување дека сметководителите и овластените сметководители ја извршуваат својата работа со највисоките етички принципи на интегритет, објективност и доверливост, служејќи како чувари на Законите и финансиската отчетност.
Унапредување на професионалната компетентност
Поттикнување на сметководителите и овластените сметководители постојано да инвестираат во својата стручност и професионална компетентност и во примената на современата информатичка технологија (IT) за да се обезбеди квалитет на сметководствените услуги.
Слушање на сметководствената професија
Дејствување како регулатор кој го штити угледот и достоинството на сметководителите и овластените сметководители, обезбедувајќи нивниот глас да биде слушнат.
Визијата на Советот е целосна трансформација на сметководствената професија во Република Северна Македонија во високо кредибилен, почитуван и европски усогласен столб на финансиското известување. Клучни цели на визијата се:
Постигнување светски стандарди
Создавање на професија која е целосно усогласена со најдобрите светски практики и стандарди, за да се обезбеди квалитетот на секој финансиски извештај.
Подигнување на кредибилитетот на сметководствената професија
Обезбедување почит и место на сметководителите и овластените сметководители во Република Северна Македонија и меѓународната заедница како професионалци од доверба за водење на сметководството.
Финансиско вреднување
Создавање услови каде што квалитетот на сметководствените услуги ќе ги подигне нивните цени, обезбедувајќи подобар животен стандард за сметководителите и овластените сметководители.
Признавање на меѓународната позиција
Позиционирање на Република Северна Македонија како земја која е во чекор со најдобрите светски практики во финансиското известување.